බුදු දහමට ජවිපෙ කරන්නේ මහා විනාශයක්...!!!

බුදුදහමට එරෙහිව කරන විනාශය සම්බන්ධයෙන් ජනතා විමුක්‌ති පෙරමුණට සහ එහි නායක අනුර කුමාර දිසානායකට එරෙහිව මහානායක හිමිවරුන් වෙත නොබෝ දිනකින්ම පැමිණිල්ලක්‌ ඉදිරිපත් කරන බව බොදුබල සේනා සංවිධානයේ මහ ලේකම් රාජකීය පණ්‌ඩිත ගලගොඩඅත්තේ ඥනසාර හිමියෝ පැවසූහ.
ත්‍රස්‌තවාදී එල්ටී.ටී.ඊ. සංවිධානයටත් එහා ගිය විනාශයක්‌ ජනතා විමුක්‌ති පෙරමුණ සිදුකරමින් සිටින බව කී උන්වහන්සේ ඔවුන් සර්ව ආගමිකයන් යෑයි පවසමින් රට විනාශ කරමින් සිටින බවද සඳහන් කළහ.

විශ්වවිද්‍යාලවලට ඇතුළු වන භික්‌ෂූන් වහන්සේලා ජවිපෙ සාමාජිකයන් ඔවුන්ගේ දේශපාලනයට හරවා ගන්නා බවද එම තත්ත්වය මේ වන විට තීව්‍ර වී ඇති බවද උන්වහන්සේ පැවසූහ.

ඥනසාර හිමියෝ එම අදහස්‌ පළ කළේ කිරුළපන බෝධි බෞද්ධ මන්දිරයේ පැවැති මාධ්‍ය හමුවකදීය.