එහාට මෙහාට පනින ගෙම්බෙක්ගේ කථාවක්...!!!

පාද යාත්‍රාව පවත්වන්නේ ජාතික මැතිවරණයකට ආසන්නව මාස හය, හතක්‌ තිබියදියි. ඒ වගේම උද්ඝෝෂණ, විරෝධතා ඇතුළු නොයෙක්‌ විරෝධතා පවත්වා ජාතික බලවේග එකතු කරගෙනයි පාද යාත්‍රා පවත්වන්නේ. පාද යාත්‍රාව කියන්නේ උපවාසයක්‌ ආරම්භ කර එය මාරාන්තික උපවාසයක්‌ දක්‌වා යැමේ අවසන් ප්‍රතිඵලයයි. නමුත් මේ වකවානුව එවැනි දෙයකට එළඹෙන කාලයක්‌ ලෙස සලකන්න බැහැ.ජාතික මැතිවරණයක්‌ නොමැති වකවානුවක පාදයාත්‍රා පැවැත්වීම ඉක්‌මන් වැඩි යෑයි  දයාසිරි ජයසේකර 31 වැනිදාපැවැසීය.
ජනාධිපතිවරණය සහ මහමැතිවරණයක්‌ 2020 වසරේදී පැවැත්වීමට නියමිත බවත් එම මැතිවරණවලට දැන්ම පාදයාත්‍රා පවත්වා බලපෑමක්‌ කළ නොහැකි බව සිය විශ්වාසය බවත් ක්‍රීඩා ඇමැතිවරයා කියා සිටියේ ඊයේ ප්‍රවෘත්ති දෙපාර්තමේන්තුවේ පැවැති මාධ්‍ය හමුවකට එක්‌වෙමිනි. වැඩිදුරටත් අදහස්‌ දැක්‌වූ ඇමැතිවරයා මෙසේද කීය.
1994 ට පෙර පැවැති ආණ්‌ඩුව පෙරළන්න 1992 වසරේදී පාද යාත්‍රාවක්‌ පැවැත්වූවා. ඒ සඳහා පංචමහා බලවේග සමග ආණ්‌ඩුවට එරෙහිව සියලු බලවේග ඒකරාශී කරගෙනයි පාද යාත්‍රාව පැවැත්වූවේ. නමුත් මහනුවර සිට කොළඹට පැමිණි පාද යාත්‍රාවේ එවැනි ජාතික බලවේග දක්‌නට නැහැ.