Sri Lanka Rupee Converter
2009 වසරේ අප්‍රේල් 23 වැනිදා එල්. ටී. ටී. ඊ. සංවිධානයේ මාධ්‍ය ප්‍රකාශක දයා මාස්‌ටර් නමැත්තා සමඟ ඕමන්ත මුරපොළේදී ශ්රී ලංකා ආරක්‌ෂක හමුදා වෙත ජෝර්ඡ් මාස්‌ටර් නමැත්තා භාරවී තිබුණි. ඔහු එල්. ටී. ටී. ඊ. ක්‍රියාකාරකම්වලට සම්බන්ධ බවට සිදුකළ විමර්ශන අනුව අනාවරණය වී නොමැති හෙයින් මහෙස්‌ත්‍රාත් අධිකරණය හමුවේ පවතින විමර්ශන කටයුතුවලින් මුදාහරින ලෙසට නීතිපතිවරයා උපදෙස්‌ ලබාදී ඇතැයි පෙන්වා දෙමින් අපරාධ පරීක්‌ෂණ දෙපාර්තමේන්තුවේ විශේෂ විමර්ශන ඒකකය කළ කරුණු දැක්‌වීම සලකා බැලූ ප්‍රධාන මහෙස්‌ත්‍රාත්වරයා එම නියෝගය කළේය.
එල්. ටී. ටී. ඊ. සංවිධානයේ මාධ්‍ය ප්‍රකාශක ලෙස කටයුතු කළ දයා මාස්‌ටර් හෙවත් වේලායුදන් දයානිදි නමැත්තා සම්බන්ධයෙන් මේවන තෙක්‌ නීතිපති උපදෙස්‌ ලැබී නොමැති බවද විමර්ශන නිලධාරීන් එහිදී අධිකරණයට පෙන්වා දුන් අතර ඒ අනුව ඔහුට ලබන දෙසැම්බර් 5 වැනිදා යළි අධිකරණය හමුවේ පෙනී සිටින ලෙසටද ප්‍රධාන මහෙස්‌ත්‍රාත්වරයා එහිදී වැඩිදුරටත් නියෝග කළේය.
