Sri Lanka Rupee Converter
සෞඛ්‍ය අමාත්‍යාංශය විසින් හදුන්වා දුන් ආපන ශාලාවල අලෙවි කිරීමට යෝජිත ආහාර වර්ග පිළිබදව චක‍්‍රලේඛයක් අධ්‍යාපන අමාත්‍යාංශය නිකුත් කිරීමෙන් පසු මෙම ආපන ශාලා ප‍්‍රතිපත්තිය මේ වන විට ක‍්‍රියාත්මක කෙරේ.
පැණි බීම වර්ග සදහා රෙගුලාසි ක‍්‍රියාත්මක කිරිම අගෝස්තු මස 01 සිට ක‍්‍රීයාත්මක වන අතර, ආහාරවල අඩංගු සීනි ප‍්‍රමාණය ජනතාවට දැනගැනීමට හැකිවන පරිදි වර්ණ සංකේත ක‍්‍රියාත්මක වෙයි. එහිදී සීනි ග්රැුම් 10 වැඩි නම් රතු වර්ණය ද, සීනි ග්රැම් 10 හා 02 අතර නම් කහ වර්ණය ද, සීනි ග්රැුම් 02 කට අඩු නම් කොළ වර්ණය ද වශයෙන් වර්ණ සංඥා හදුන්වා දී ඇත. එමෙන්ම රජයේ සියළුම රැුස්වීම් වලදී ලබාදිය යුතු ආහාරපාන පිළිබද උපදෙස් ඇතුළත් චක‍්‍රලේඛයක් නිකුත් කරන ලද්දේ ද බෝනොවන රෝග පාලනය කිරීම සදහායි.
දුම්කොළ, මධ්‍යසාර මෙන්ම සිරුරට හානිකර සීනි, ලුණු සහ මේදය බහුලව අඩංගු ආහාරවල බදු තවත් වැඩි කළ යුතු බවත්, තමන් පසුගිය වසරේ දී සීනි සදහා බදු වැඩි කළ යුතු බව ප‍්‍රකාශ කරන විට ඊට විරෝධය මතු වූ බවත්,මේ වනවිට එංගලන්තයේ එය ක‍්‍රියාත්මක කර ඇති බව ද, සෞඛ්‍ය අමාත්‍යවරයා පසුගියදා පැවැති විශේෂ ප‍්‍රවෘත්ති සාකචිඡවක් සදහා එක්වෙමින් ප‍්‍රකාශ කරන ලදි.
මෙහිදී වැඩිදුරටත් අදහස් දැක් වූ සෞඛ්‍ය අමාත්‍යවරයා කියා සිටියේ මහජනතාවට තමන්ගේ සෞඛ්‍ය තත්ත්වය පරීක්ෂා කර ගැනිම සදහා රජයේ වෛද්‍ය ආයතන 842 ක් තුළ සුවදිවි මධ්‍යස්ථාන ස්ථාපිත කිරීමට නියමිත බවයි. මෙම ඒකක මගින් රුධිරයේ සීනි ප‍්‍රමාණය, කොලෙස්ටරෝල් හා මේද ප‍්‍රමාණය, රුධිර පීඩනය, ශරීර ස්කන්ධ දර්ශකය මගින් අධික රුධිර පීඩනය, හදවත් රෝග, දියවැඩියාව වැනි රෝග තිබේ දැයි පරීක්ෂා කර ගත හැක. තවද සුවනාරි සායන 906 ක් පිහිටුවා ඇති අතර එමගින් කාන්තාවන්ට පියයුරු හා ගැබිගෙල පිළිකා කල් ඇතිව හදුනාගැනීමට හැකිය. සෑම දිස්ත‍්‍රික්කයකම එකක් බැගින් රෝග පරීක්ෂණ මධ්‍යස්ථාන පිහිටුවීමට සැළසුම් කර ඇත. ඒ සදහා සහයෝගය සිංගප්පුරුවෙන් ලැබෙන අතර, මෙම පරීක්ෂණ ඒකකවල දී එම්.ආර්.අයි, සී.ටි ස්කෑනර් පරීක්ෂණ හැර අනෙකුත් සියළුම රෝග පරීක්ෂණ පහසුකම් ලබාදිමට නියමිතය. මෙහිදී බලාපොරොත්තු වන්නේ 2020 වනවිට බෝ නොවන රෝග සියයට 10 කින් අඩු කිරීමට සහ 2035 වනවිට බෝ නොවන රෝග සියයට 20 කින් අඩු කිරීමට බවත් සෞඛ්‍ය අමාත්‍යවරයා මෙහිදී ප‍්‍රකාශ කරන ලදි.
– නිපුන් ඒකනායක
