Sri Lanka Rupee Converter
මේ අතර මෛත්රිපාල සිරිසේන විසින් ශ‍්‍රි ලංකා මහ බැංකුවේ නව අධිපතිවරයා ලෙස ඉන්ද්‍රජිත් කුමාරස්වාමි පත් කර තිබේ.මෙම පත් කිරීම සිදු කරනු ලැබුවේ සියළු පාර්ශ්වයන්ගේ එකඟත්වයෙන් යයි ජනාධිපතිවරයාගේ නිල ට්විටර් ගිණුමේ දැක්වෙයි. ලබන සඳුදා ඉන්ද්‍රජිත් කුමාරස්වාමි නව මහබැංකු අධිපතිවරයා ලෙස පත් කිරීමට නියමිත බව වාර්තා වේ.
නව මහ බැංකු අධිපතිවරයා රාධිකා කුමාරස්වාමිගේ සහෝදරයා වන අතර අගමැති රනිල් වික‍්‍රමසිංහ විසින් මෙම යෝජනාව කරනු ලැබ ඇතැයි දේශපාලන ආරංචි මාර්ග වාර්තා කරයි.
මේ වන විට වයස අවුරුදු 66ක් වන නව මහ බැංකු අධිපතිවරයා ආදි රාජකීය සිසුවෙක්ද වෙයි.
කෙම්බි‍්‍රජ් සරසවියේ උපාධිධාරියෙක් වන කුමාරස්වාමි අනතුරුව මහ බැංකුවේ ආර්ථික පර්යේෂණ දෙපාර්තමේන්තුවේද, බැංකු අධීක්ෂණ දෙපාර්තමේන්තුවේද, මුදල් හා සැලසුම් අමාත්‍යංශයේ සේවයද සේවය කර ඇති අතර පොදු රාජ්‍ය මණ්ඩලීය මහ ලේකම් කාර්යාලයේ උසස් තනතුරු හොබවා ඇත.
විනිමය වංචාවක් සම්බන්ධයෙන් ඇමරික එක්සත් ජනපදයේ 11 වසරක සිර දඬුවමක් නියම වූ රාජ් රාජරත්නම්ගේ සමාගමක් වන ‘ගැලයන්’ සමාගමේ උපදේශකයෙකු ලෙසද ඉන්ද්‍රජිත් කුාමරස්වාමි කටයුතු කර ඇතැයි සඳහන්ය.
නව මහ බැංකු අධිපතිවරයා ශ‍්‍රි ලංකාව හා ඉන්දියාව අතර අත්සන් කිරීමට නියමිත ගිවිසුම සම්බන්ධයෙන් වන සාකච්චාවන්හිදී ශ්රී ලංකාව වෙනුවෙන් සහභාගී වන පුද්ගලයෙකද වෙයි.
