ලංකාවේ ඉපැරිණිමවූ වෙබ් අඩවියක් වන ලංකානිව්ස් වෙතට ආ ඔබ සාදරයෙන් පිිළිගනිමු...
Related Posts Plugin for WordPress, Blogger...
ලංකානිව්ස්. Powered by Blogger.

Translate

පැය 24 තොරතුරු බෙදුම

BannerFans.com

ඔබගේ දැන්වීම්

ඔබගේ දැන්වීම්
ඔබගේ වෙළඳ දැන්වීමට LANKANEWS තුළින් ඉඩක්...සීමිත සහ වටිනා අවස්ථාවක්...දැන්ම අපට ලියන්න....[email protected]

හොඳම වෙබ් හොස්ටින්

හොඳම වෙබ් හොස්ටින්
ඔබගේ නවතම වෙබ් අඩවි සඳහා පමණයි...!!!

Sinhala News Site

BannerFans.com

ඔබගේ ලුහුඬු දැන්වීම් නොමිළේ

BannerFans.com

ලංකානිව්ස්

ගුවන්‍ යානා තොරතුරු

ගුවන්‍ යානා තොරතුරු
විශේෂ වෙබ් අවකාශයක්

ලක් පුවත්

අපගේ මතකය අතරින් BannerFans.com
Seilankan Informations

QR Code generator

Lankanews+ Followers

ජනප්‍රිය ලිපි එකතුව

Monday, July 18, 2016

දැන් මත්තල හොඳද...!!! අනේ යකෝ...!!!

ආණ්‌ඩුවට මේ දිනවල සෑහෙන ප්‍රශ්නය. කරන්නට පටන් ගන්නා හැම වැඩකටම කොක්‌කක්‌ වැටේ. ඒ අලකලංචි මැදම ආණ්‌ඩුව වුවමනා නැති වැඩ කරන්නට යන බවක්‌ ද පෙනේ. එනම් ලබන වසරේ 2017 වර්ෂයේදී කටුනායක ගුවන්තොටුපළ මාස තුනක්‌ වසා දැමීමට ගන්නා තීරණය එවැනි වුවමනා නැති වැඩකි. ආරංචියේ හැටියට කටුනායක ජාත්‍යන්තර ගුවන්තොටුපළ මාස තුනක කාලයකට වසා දමන්නේ ප්‍රධාන ධාවන පථයේ ප්‍රතිසංස්‌කරණ කටයුතු සඳහා බව කියෑවේ. කටුනායක මාස තුනකට වසා දමන කතාව කොහොම වෙතත් ඒ කාලය තුළ "මත්තල" ඒ සඳහා යොදා ගන්නා බව කීම අමුතුම වර්ගයේ, හිත සසල කරන ආරංචියකි. එය කොහොමටවත් සිදුවිය නොහැක්‌කකි. ඒ නිසාම ගුවන් තොටුපළ බලධාරීන්ට අමු කැවිලා දැයි අපට අසන්නට සිදුවේ. මත්තල "ගුවන් තොටුපළක්‌" ඇති බව 2015 ජනවාරි 08 වැනිදායින් පසු අපට දකින්නට අසන්නට ලැබුණේ ඊයේ දිනයේය.

එතෙක්‌ මෙරට වාසය කරන සිහි මොළේ ඇති සියල්ලෝම දැන සිටියේ මත්තල ඇත්තේ වී ගබඩා සංකීර්ණයක්‌ බවය. අපට මතක හැටියට මත්තල වී ගබඩා සංකීර්ණයේ ඇති වී තොග ඉවත් කර ගන්නා ලෙස ප්‍රවාහන හා සිවිල් ගුවන්සේවා අමාත්‍යවරයාද 2015 ඔක්‌තෝබර් මාසයේදී කීවේය. එවැනි අනවශ්‍ය වැඩ කරන්නට යාම බොහෝ දෙනෙක්‌ගේ සිත් තැවුලට හේතුවිය හැකි බව අපි ඒ දිනවලම කීවෙමු. 2016 පෙබරවාරි මාසයේදී ද මෙවැනිම අසමඡ්ජාති කතාවක්‌ මාධ්‍ය මගින් ප්‍රචාරය වූ බව අපට මතකය. ඒ මහා බොරුවේ සඳහන් වූයේ කටුනායකට පැමිණි ගුවන් යානා තුනක්‌ අධික මීදුම නිසා මත්තලට හරවා යෑවූ බවය. මෙය කොහොමටවත් සිදුවිය නොහැක්‌කකි. අප දන්නා පරිදි එවැනි අයහපත් කාලගුණික තත්ත්වයක්‌ ඇති විට ගුවන් යානා හරවා යෑවිය යුත්තේ ඉන්දියාවේ මදුරාසියටය. මෙවැනි බොරුවලින් රටත්, ජනතාවත්, විශේෂයෙන් දකුණේ ජනතාවත් රවටන්නට උත්සාහ දරන්නේ "මත්තල ගුවන් තොටුපළක්‌" බවට ඒත්තු ගන්නන්නට උත්සාහ දරන කවුරුන් හෝ විය හැකි බව අපි තදින් විශ්වාස කරමු. මත්තල වී ගබඩා සංකීර්ණය ගුවන් තොටුපළක්‌ බවට පරිවර්තනය කරන්නට උත්සාහ දැරීමෙන් ගැටලු ගණනාවක්‌ මතුවිය හැකි බව අපි අවධාරණය කරමු. පළමුවැන්න වී ගබඩා කිරීම සඳහා මත්තල වැනි වටිනා වායුසමීකරණ පද්ධති, විද්යුත් උපකරණ සවි කරන ලද ගබඩා සංකීර්ණයක්‌ සොයා ගන්නේ කොහොමද යන කාරණයයි. රට ආර්ථික වශයෙන් ලොකු අමාරුවක වැටී, පහුගිය ආණ්‌ඩුව ගත් ණය ගෙවාගන්නටත් බැරිව සිටියදී එවැනි ගබඩා සංකීර්ණයක්‌ ඉදිකිරීම ලෙහෙසියෙන් කළ හැක්‌කක්‌ද නොවේ. ඊළඟ ප්‍රශ්නය "මත්තල වී ගබඩා සංකීර්ණයේ" ඇති විශාල "ධාවන පථයක්‌" වැනි කොටස්‌ එම ප්‍රදේශයේ ගම්මිරිස්‌ වගා කරන උදවියත්, කුරහන් වගා කරන උදවියත් ඒවා වේලා ගැනීම සඳහා භාවිතා කිරීමය. මෙම වී ගබඩා සංකීර්ණය එළැඹෙන වර්ෂයේ "ගුවන් තොටුපළක්‌" බවට පරිවර්තනය කිරීම ඒ අහිංසක මිනිසුන්ට ද විශාල අර්බුදයක්‌ වන බව නියතය.

මේ හැම දෙයකටම වඩා මත්තල වී ගබඩා සංකීර්ණය ගුවන් තොටුපළක්‌ හැටියට භාවිත කිරීමට ගන්නා තීරණය විශාල පාරිසරික ප්‍රශ්න ගණනාවකට ද තුඩුදේ. මේ ආණ්‌ඩුවේම උදවිය කියන පරිදි මත්තල වී ගබඩා සංකීර්ණය පිහිටි ප්‍රදේශය මොනරුන්, ඇතුළු විවිධ පක්‍ෂීන් සහ අලි නිතර පැමිණෙන ප්‍රදේශයකි.

මේ නුවුමනා තීරණවලින් සිදුවන්නේ එවැනි ජීවීන් ද විනාශ වීමය. ඊටත් දකුණට "ගුවන් තොටුපළක්‌" යනු විශාල වශයෙන් මහජන මුදල් අපතේ යෑවීමකි. "සුදු අලි" නඩත්තු කිරීමකි.

කරන්නට ඕනෑම නම් කළ යුත්තේ, එම කාලය තුළ ඉන්දියාවේ චෙන්නායිවලට එම ගුවන් යානා ගොඩබැස්‌සවීමය. ඉන් පසු ගුවන් මගීන්, බෝට්‌ටුවලින් මෙරටට ගෙන ආ යුතුය. මත්තල "ගුවන් තොටුපළක්‌" බවට හැරවීම වෙනුවට කළ හැකි ලාබදායී දේ තව බොහෝය.
  උපුටා ගැනීම දිවයින කතුවැකියෙනි.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි.