මහනුවර නිලමේවරුන්ට මරණ තර්ජණ..!!!

දේවාල සතුව පවතින නින්දගම් හා දේපොළ ආරක්‍ෂා කිරීමට යාම හේතුවෙන් තමන් මරණ තර්ජන හා මැර තර්ජණ වලට මුහුණපා සිටින බව බස්නායක නිළමේවරුන්ගේ සංගමය පවසනවා. මේ හේතුවෙන් තමන්ගේ ජීවිත ආරක්‍ෂා කිරීම සදහා රජය මැදිහත්විය යුතු බවයි එම සංගමය අවධාරණය කරන්නේ.
බස්නායක නිළමේවරුන්ගේ සංගමයේ සභාපති මහනුවර  කතරගම දේවාලයේ බස්නායක නිළමේ ගැමුණු බණ්ඩාර වලිසුන්දර  මහනුවරදී මාධ්‍ය හමුවකට එක්වෙමින් කියාසිටියේ මේ වනවිට දේවාලවලට අයත් ඉඩම් අක්කර සිය දහස් ගණනක් දේශපාලනඥයන් සහ ඔවුන්ට හිතවත් පාර්ශව මෙන්ම අන්‍යාගමිකයන් විසින් බලහත්කාරයෙන් අල්ලාගෙන ඇති බවයි.
දේවාලවලට අයත් ඉඩම්වල බදු මුදල් අය කිරීමට යාමේදීද තමන් මරණ තර්ජනවලට ලක්වන බවයි ගැමුණු බණ්ඩාර වලිසුන්දර  පැවසුවේ. මේ පිළිබද පොලීසියට පැමිණිලි ඉදිරිපත් කර ඇතත් ඒවා විභාගයට ගැනීමට කල්ගත වන බවද  පෙන්වා දුන්නා.

මේ අතර හීලෑ අලි ඇතුන්ගේ හිඟය හේතුවෙන් මතුව ඇති ගැටළුකාරී තත්ත්වය පිළිබදවද මෙම මාධ්‍ය හමුවේදි කරුණු අනාවරණ කෙරුණා. පවතින තත්ත්වය හමුවේ හීලෑ අලීන් නොමැතිවහොත් පෙරහැර පැවැත්වීම නතර කිරීමට සිදුව ඇති බවද ගැමුණු බණ්ඩාර වලිසුන්දර  මෙහිදී පෙන්වා දුන්නා.
http://www.lankanews.org/2016/06/ngo.html