වරාය විකුණන්න යාමෙන් සේවකයෝ වැඩ වර්ජනයක් ඇරඹීමට සැරසෙයි...!!!

වරාය විකුණා දැමීම සඳහා ආණ්ඩුව සියළු කටයුතු සූදානම් කරමින් ඇති බවත් වහා මෙය නතර නොකලහොත් සියළු සේවකයින් හා එක්ව දැවැන්ත වැඩ වර්ජනයකට යන බවත අද කොලඹදී මාධ්‍ය හමුවක් අමතමින් සමස්ත ලංකා වරාය පොදු සේවක සමිතිය සඳහන් කලේය.
මේ වන විටත් වරාය අධිකාරිය සතු කොළඹ වරායේ ජයබහලූ පර්ජයන්තය හා නැගෙනහිර පර්යන්තය විකිණීමට සූදනම් කර ඇතැයිද පෙන්වා දුන් ඔවුන් ඞී.ආර්. විජයවර්ධන මාවතේ ඇති බිම් කොටස් හා බේරේ අංගනයේ බිම් කොටස් විකිණීමටද සැරසී සිටින බවද කිහ.

ඊට අමතරව චීනයට හම්බන්තොට වරායද, ඉන්දියාවට ත‍්‍රිකුණාමලයේ වරාය කොටස්ද, ගාලූ වරායේ කොටස්ද විකිණීමට සූදානම් කර ඇතැයිද සේවක සංගමය කියා සිටියහ.
මේ සියළු ක‍්‍රියාමාර්ග අහෝසි කරන තෙක් සියළු සේවකයින් සමඟ පාරට බැස ක‍්‍රියාමාර්ග ගැනීමට සූදානම් යයිද ඔවුන් වැඩිදුරටත් පැවසූහ.