උතුරේ සිංහල ජනතාව වෙනුවෙන් ජාතික සංවිධාන ජාතික මෙහෙයක...!!!

පසුගිය 17 වැනි දින ජාතික සංවිධාන එකමුතුව, ජයග‍්‍රහණය, තවලම පදනම විසින් වව්නියාව සිංහල ගම්මාන 5ක ජනතාව මුණගැසී ඔවුන්ගේ ගැටළු පිළිබඳ සොයා බැලීය. පූජ්‍ය බෙංගමුවේ නාලක හිමියන්, ආචාර්ය ගුණදාස අමරසේකර, වෛද්‍ය වසන්ත බණ්ඩාර, කර්නල් අනිල් අමරසේකර, විශේෂඥ වෛද්‍ය අනුලා විජෙසුන්දර ඇතුළු වෛද්‍ය කණ්ඩායමක් විසින් මෙම ගම්මානවල දහසකට අධික රෝගීන් පිරිසක් සඳහා විශේෂඥ වෛද්‍ය සායනයක් පැවත්වූහ. ඒ් සමගම කියවීමේ දුර්වලතාවය සහිත වැසියන්ට ඇස් කණ්නාඩි ලබාදීමද සිදුකෙරුණි. ඊට අමතරව මෙම ගම්වැසියන්ට වියලි ආහාර සහ රෙදි පිළි ආදිය බෙදාදීමක්ද සිදුකෙරුණි.තෛයිපොන්ගල් බත් රසයි කියමින් බත් බුදමින් රටේ කොන්වී සිටින ජනතාව අමතක කර දැමූ නිවට නියාළු දේශපාලන අහර කුක්කන් අතර  මේ මානව හිතවාදී සංවිධායකයනට අප ආචාර කරන්නෙමු.
 තව විස්තර කියවන්න...

වව්නියාව දකුණු ප‍්‍රාදේශිය සභාවට අයත් නන්දිමිත‍්‍ර ගම, සැළැලිහිණි ගම, නාමල් ගම, බෝගස්වැව 01, බෝගස්වැව 02 යන ගම්මානවල 2800කට ආසන්න පවුල්වල සාමාජිකයන් සඳහා මෙම සේවා ලබාදීම සිදුකෙරුණි. එම කටයුතුවළට ප‍්‍රදේශයේ හමුදා නිලධාරීන් විසින් සුවිශේෂී සහයක් ලබාදීමද කැපී පෙණුනි.
රැුකියා විරහිතභාවය, ගොවිතැන් සඳහා ඉඩම් නොලැබීම, ජල හිගය, සනීපාරක්‍ෂක සහ යටිතල පහසුකම් ගැටළු ආදී දහසකුත් දුක් පීඩා වලට සහ උතුරු පළාත් සභාවේ ජාතිවාදී දේශපාලකයින්ගේ පීඩා වලට ගොදුරුවී සිටින මේ සිංහල ගම්මානවල ජනතාව තම ගම්බිම් හැරයන තත්වයක් මේ වනවිට උදාවී ඇත.

ඒ පිළිබඳ අදහස් දැක්වූ පූජ්‍ය බෙංගමුවේ නාලක හිමියන් කියා සිටියේ කෙටි කාලීන සහන වලට වඩා දීර්ඝ කාලීනව මෙම ගම්වැසියන්ගේ ජීවන තත්වය උසස් කිරීම සඳහා මැදිහත්විය යුතු බවයි. ඒ සඳහා උදව් කිරීම රටේ සමස්ථ සිංහල ජනතාවගේ යුතුකම බවද උන්වහන්සේ පැවසූහ.

ගම්වැසියන්ගේ ගැටළු පිළිබඳ අධ්‍යනයකින් පසුව අචාර්ය ගුණදාස අමරසේකර මහතා කියා සිටියේ තව දුරටත් කරුණු අධ්‍යනය කොට එම ජනතාවගේ සුභසිද්ධිය සඳහා දීර්ඝකාලීන සැලැස්මක් සකස් කිරීමට කටයුතු කරන බවය. එසේ නොමැතිව මෙම ජනතාව තම ගම්බිම් හැරයාම වැළැක්විය නොහැකි බව ඔහු පැවසීය. තව දුරටත් ඔහු කියා සිටියේ ජාතික සංවිධාන සහ වගකිව යුතු රාජ්‍ය ආයතන එකට එකතුවී මෙම සිංහල ගම්මාන වල ජනතාව උතුරු ප‍්‍රදේශය හැරයාම වැළැක්වීමට කටයුතු කළයුතු බවය.
– ජාතික සංවිධාන එකමුතුව