Sri Lanka Rupee Converter
මීට ඉහතදීද මෙම ගුහාව සොයා ගැනීම සඳහා කට්ටඬියකු ඇතුළු පිරිසක් පැමිණි බව ගම්වාසීහු කියා සිටිති. මෙම කට්ටඬි කාන්තාව දුටු සිහිනයකට අනුව ඇය ඇතුළු පිරිස පොලිසියට දන්වා මෙම ගුහාවට පිවිසීමට පැමිණ තිබේ. තමන්ට සිහිනෙන් පෙනුණ දෙවියන් කියා සිටියේ සිහිමුර්ජා වී සිටින රාවණා අවදි කළ හැක්කේ ඔබට පමණක් බවත් අපේ‍්‍රල් මස 10 වැනිදාට පෙර රාවණා රජු අවදි කරන ලෙස දෙවියන් පැවසූ බව ඇය කියා සිටින්නීය.
ඇය සමග ගුහාවට ඇතුළු වී ඇති පිරිස රාවණා පරපුරෙන් පැවත එන අය බවද ඒ හේතුවෙන් එම පිරිස ගුහාවට කැඳවාගෙන යන බවද ඇය පැවසුවාය. එලෙස ගමන් ගත් පිරිස අතර මන්ද මානසික පුද්ගලයෙක්ද විය. මෙම කට්ටඬි කාන්තාව මොරටුව ප‍්‍රදේශයේ පදිංචිකාරියක වන අතර අනිකුත් පුද්ගලයින් රටේ විවිධ ප‍්‍රදේශවල පදිංචිකරුවන්ය. මන්ද මානසික පුද්ගලයා රාවණ ඇල්ල ආශ‍්‍රිත කරඳගොල්ල ගමේ පදිංචිකරුවෙකි.
එම පිරිස 29 පෙරවරු 7.30ට පමණ ගුහාව තුළට ඇතුළු වී ඇත. එම අවස්ථාවේ ගම්වාසීන් ගුහාව ආසන්නයට පැමිණ සිටි අතර ඔවුන් පාලනය සඳහා ඇල්ල පොලිසියේ නිලධාරීන් කිහිප දෙනකු ද යොදවා තිබිණි.
ගුහාව තුළට ගිය කට්ටඬි කාන්තාව කියා සිටියේ රාවණ රජු එහි සිටී නම් ප‍්‍රතිකාර කර 31 පැමිණෙන බවත් නොසිටී නම් 29 සවසම පැමිණෙන බවයි. මෙම ගුහාව ඇතුළත අඩි හාරසියයක පමණ ප‍්‍රපාතයක්ද ඇති අතර ඇතුළත විශාල පොකුණක්ද තිබෙන බව එහි ගිය ගම්වාසීහු කියා සිටිති.
ඇතැම් ගම්වාසීන් ප‍්‍රදේශයට පැමිණෙන සංචාරකයින්ගෙන් මුදල් අය කර ගුහාව තුළට කැඳවාගෙන යන බවද පැවසේ. 30 රාවණා ඇල්ල ප‍්‍රදේශයට දැඩි වර්ෂාවක්ද පැවැති බවත් එවැනි අවස්ථාවක ගුහාව තුළට යෑම අවදානම් සහගත බව ගම්වාසීහු පැවසූහ.
මෙම ගමන සම්බන්ධව බදුල්ල පුරාවිද්‍යා කාර්යාලයේ නිලධාරියෙකුගෙන් අප කළ විමසුමකදී කියා සිටියේ මේ පිළිබඳව සොයා බැලීමට ප‍්‍රදේශයේ පුරා විද්‍යා නිලධාරීන් දැනුවත් කර ඇති බවය. ගුහාව තුලට ගිය පිරිස ඊයේ පස්වරු 6.15ට පමණ ගුහාවෙන් පිටතට පැමිණි අවස්ථාවේදී ගම්වාසීන් 500ක් පමණ එකතුවී ඔවුන්ට පහරදී ඇත. කට්ටඩ කාන්තාව වෙනත් මාර්ගයකින් පලායාම උත්සාහ කළද එය ව්‍යවර්ථවී තිබේ
