Sri Lanka Rupee Converter
.jpg)
වෛද්‍ය නිලංග දොට්ට
මහජන සාමය අමාත්‍යාංශයේ ලේකම්. ජගත් විජේවීර නමැත්තෙකු තමා තනතුරින් ඉවත් කළ බවට සඳහන් ෆැක්ස් පතක් එවා ඇතැයි අන්තරායකර ඖෂධ පාලක මණ්ඩලයේ සභාපති වෛද්‍ය නිලංග සමරසිංහ පවසයි.
දිනයක් නැති, අස්සනක් නැති ෆැක්ස් එකක් නිසා අන්තරායකර ඖෂධ පාලක මණ්ඩලයේ සභාපති තනතුරෙන් ඉල්ලා අස්වීමට තමාට කිසිදු හේතුවක් නැති බව ඔහු කියයි.
මෙරට මත්ද්‍රව්‍ය ජාවාරම්කරුවන්ට පසුගිය මහ මැතිවරණයේදී නාම යෝජනා ලබානොදෙන ලෙස රටේ ප‍්‍රබල හඬක් ගෙනගියේ ඔහු වන අතර ඒ නිසා ඔහුට මරණ තර්ජනද එල්ලවිය.
මාස 10 ක සේවා කාලය තුළ ඔහු නමගිය මත්ද්‍රව්‍ය ජාවාරම් කරුවන්ගේ
තොරතුරු රැුස්කිරීමේ ව්‍යාපෘතියක්ද අරඹා තිබුණ අතර දකුණු ආසියාවේ රටවල් සමඟ මත්ද්‍රව්‍ය ජාවාරම, මිනිස් ජාවාරම, මුදල් විශුද්ධිකරණය, ජෛව ජාවාරම ඇතුළු කරුණු රැුසක් සම්බන්ධයෙන් දකුණු ආසියානු බුද්ධි තොරතුරු ඒකකය පිහිටුවීමට කටයුතු කරමින් සිටියේය.
1984 අංක 11 දරන අන්තරායකර ඖෂධ පාලක ජාතික
මණ්ඩල පනතේ පරිච්ෙඡ්ද අංක 03 මගින් ඇමැතිවරයා වෙත පවරා ඇති බලතල අනුව හා ජනාධිපතිවරයාගේ එකඟතාවෙන් අන්තරායකර ඖෂධ පාලක ජාතික මණ්ඩලයේ සභාපතිවරයා ලෙස සිරිසේන හේරත් පත්කර ඇති බව නීතිය සාමය හා බන්ධනාගාර ප‍්‍රතිසංස්කරණ අමාත්‍යාංශ ලේකම්වරයාගේ අත්සන ද නොමැති ලිපියක් මගින් වෛද්‍ය සමරසිංහට දැනුම් දී ඇත.
වෛද්‍යවරයා මේ ගැන කියා සිටියේ මෙසේය.
‘මේ ෆැක්ස් එක එවපු ජගත් විජේවීර මහජන සාමය අමාත්‍යාංශයේ ලේකම්. එතුමා නමින් එවපු ෆැක්ස් එකේ දිනේකුත් නෑ. අස්සනකුත් නෑ.
මගේ තනතුර අහෝසි වීමට ක‍්‍රම දෙකක් තියෙනවා. ඉන් එකක් තමයි මම ඉල්ලා අස්වෙන්න ඕනෑ. නැත්නම් මාව අස්කරන්න ඕනෑ. එතකම් මට ඉල්ලා අස්වෙන්න හේතුවක් නෑ. මම සභාපතිකමේ ඉද්දීම තව කෙනෙක් සභාපතිකමට පත් කළා. එහෙම වුණා කියලා ඇයි මං ඉල්ලා අස්වෙන්නේ. අනිත් කාරණේ තමයි මට මේ වෙනකම් මේ ගැන දැනුම් දීලත් නෑ.
මේක සිද්ධ වුණේ ජනාධිපති රටේ නැති වෙලාවක. අගමැතිත් මේක ගැන දන්නෙ නෑ. දිනයකුත් නැති, අස්සනකුත් නැති මේ ෆැක්ස් එකේ තියෙන්නේ මෙහෙම දෙයක්. සිරිසේන හේරත් අන්තරායකර ඖෂධ පාලක මණ්ඩලයේ සභාපති විදියට පත් කරන ලද බව සතුටින් දැනුම් දෙමි කියලයි.
අපි කල්පනා කරන්නෙ නෑ හීනෙකින්වත් මෙතැනට හෙංචයියෙක් දාගෙන, ජනතාව තළාගෙන, ජනතාව බලාපොරොත්තු වන දේට පටහැනි දෙයක් ආණ්ඩුව කරයි කියලා. හැබැයි එතුමන්ලා දෙන්නා අකැමැතිනම් ජනපති, අගමැති අකැමැතිනම් එක මොහොතක්වත් මම මේ පුටුවේ ඉන්නෙ නෑ.’
