Sri Lanka Rupee Converter
ජනවාරි 1 වනදා සිට
අයිඩෙන්ටි කාර්ඞ් අංක
වෙනස්වෙන හැටි....ඉලක්කම් 12 කින් සමන්විත නව ජාතික හැඳුනුම්පත් අංක ක‍්‍රමය ලබන ජනවාරි පළමුවනදා සිට ක්රියාත්මක කිරීමට පුද්ගලයින් ලියාපදිංචි කිරීමේ දෙපාර්තමේන්තුව තීරණය කර තිබෙනවා’ එහි සහකාර කොමසාරිස් ඒ ආර් ඒ දේවප‍්‍රිය පැවසුවේ ඒ සඳහා වන සැලසුම් මේ වන විටත්
සකස් කර අවසන් බවයි’ නව අංක ක‍්‍රමය යටතේ ඉංග‍්‍රීසි අක්ෂරය ඉවත්කර තිබීම ප්රධාන ලක්ෂණයයි’
දැනට පවතින ක‍්‍රමයට අනුව ජාතික හැඳුනුම්පතේ පළමු ඉලක්කම් 2 වෙන්වී ඇත්තේ උපත ලද වර්ෂයේ අවසාන ඉලක්කම් 2 සඳහායි’ නව ක‍්‍රමයට අනුව පළමු ඉලක්කම් 4 ම වෙන්කර ඇත්තේ සම්පූර්ණ වර්ෂයම දැක්වීම සඳහායි’ මීට අමතරව අවසාන ඉලක්කම් 4 ට පෙර බින්දුවක් ඇතුළත් කෙරෙන බවද පුද්ගලයින් ලියාපදිංචි කිරීමේ දෙපාර්තමේන්තුව කියාසිටියා’
ඒ අනුවයි දැනට පවතින ඉලක්කම් 9 සහ ඉංග‍්‍රීසි අක්ෂරය වෙනුවට ඉලක්කම් 12 කින් පමණක් සමන්විත නව ජාතික හැඳුනුම්පත් අංක ක‍්‍රමය ලබන ජනවාරි පළමුවනදා සිට භාවිතය ආරම්භ වීමට නියමිතය. පවතින හැඳුනුම්පත් නව හැඳුනුම්පත් බවට මාරු කරගන්නට සියලූම පුරවැසියන්ට කාලයක් ලබාදෙන්නටද නියමිතය...
