අයියා මල්ලී පාවා දෙයි – සියලු කටයුතු සිදුකළේ මහින්ද සහ පුත්තු – චමල් රාජපක්ෂ කියයි

ඩී. ඒ. රාජපක්ෂ පදනමට පමණක් ලබාදී ඇති නාගරික සංවර්ධන අධිකාරියට අයත් ඉඩමේ මුලික කොන්දේසියක් වූ වෙනත් කිසිදු කටයුත්තක් වෙනුවෙන් යොදා ගැනීමට නොහැකිය” කොන්දේසිය කඩකරමින් කාල්ටන් ස්පෝට්ස් නෙට්වර්ක්
හෙවත් සී. එස්. එන්. ආයතනය පිහිටුවා ඇතැයි පොලිස් මූල්‍ය අපරාධ කොට්ඨාසය මගින් සිදුකරන ලද පරීක්ෂණවලින් තහවුරු වී තිබේ.

මේ සම්බන්ධයෙන් පාර්ලිමේන්තු මන්ත්‍රී චමල් රාජපක්ෂ ගෙන් පසුගියදා ප්‍රශ්න කර තිබේ. එහිදී ඒ  පවසා ඇත්තේ තමන් මේ සම්බන්ධයෙන් කිසිවක් නොදන්නා බවත් සියලු කටයුතු සිදුකර ඇත්තේ මහින්ද රාජපක්ෂත්, පුතුන් විසින් බවට ප්‍රකාශයක් මූල්‍ය අපරාධ කොට්ඨාසයට ලබාදී ඇතැයි එහි ජ්‍යෙෂ්ඨ නිලධාරි‍ෙයකු ‘දිනමිණ’ට පැවැසීය. ඉදිරියේදී සිදුකරන අධිකරණ කටයුත්තේ දී රජයේ සාක්ෂිකරුවකු ලෙස ඉදිරිපත්වීමට සූදානම් බවට චමල් රාජපක්ෂ  සඳහන් කළේ යැයිද එම ජ්‍යෙෂ්ඨ නිලධාරියා පැවැසීය.
නාගරික සංවර්ධන අධිකාරියට අයත් බත්තරමුල්ලේ පිහිටි පර්චස් 29ක මෙම ඉඩම ඩී. ඒ. රාජපක්ෂ පදනමට 2003 වසරේදී තිස් අවුරුදු බදු පදනම යටතේ වසරකට රුපියල් 163,125 බදු මුදලකට පවරා දී තිබෙන අතර මහින්ද රාජපක්ෂ  විපක්ෂ නායකයා ලෙස කටයුතු කළ සමයේදී එවකට බස්නාහිර ප්‍රදේශ සංවර්ධන ඇමැති එම්. එච්. මොහොමඩ්ගෙන් ඉල්ලා තිබූ අතර ඒ අනුව එක්සත් ජාතික පක්ෂ ආණ්ඩුවේ කැබිනට් තීරණයක් අනුව මෙම ඉඩම ලබාදී ඇතැයි හෙතෙම පැවැසීය.
මෙසේ ලබා ගත් ඉඩමේ රාජපක්ෂ පදනමට අදාළව කිසිවක් සිදුනොවූ අතර සී.එස්.එන්. ආයතනයේ ප්‍රධාන කාර්යාල ගොඩනැගිල්ල මෙහි ඉදිකරනු ලැබීය. මේ සම්බන්ධයෙන් කළ විමර්ශනවලදී අනාවරණය වී ඇත්තේ මෙම ව්‍යාපාරය සඳහා පමණක් ලක්ෂ 3000ක මුදලක් ආයෝජනය කර ඇති බවත් ජනවාරි 8දා සිදුවූ ආණ්ඩු මාරුවත් සමඟ කඩිමුඩියේ ජනවාරි 14දා සී.එස්.එන්. ආයතනයත් ඩී. ඒ. රාජපක්ෂ පදනමත් අතර බදු ඔප්පුවක් අස්සන් කර ඇති බවත් යැයි ද එම ජ්‍යෙෂ්ඨ නිලධාරියා වැඩිදුරටත් පෙන්වා දුන්නේය.