ඇඩෙලා බාලසිංහම්ටත් යුද අපරාධ චෝදනා

මෙරට ස්‌ථාපිත කිරීමට යෝජිත යුද අපරාධ චෝදනා විමර්ශනය කිරීමේ දේශීය යාන්ත්‍රණයෙන් කොටි න්‍යායාචාර්ය බාලසිංහම්ගේ බිරිය වූ ඇඩෙලා බාලසිංහම්ටද යුද අපරාධ චෝදනා ඉදිරිපත් කිරීමට විදෙස්‌ගත ශ්‍රී ලාංකිකයන් කණ්‌ඩායමක්‌ තීරණය කර ඇත.
"අපි ඇඩෙලාට එරෙහිව ජිනීවා පරීක්‍ෂණ මණ්‌ඩලයට පැමිණිලි කළත් ඔවුන් ඇය සිදුකළ යුද අපරාධ වසන් කළා." යයි එම විදෙස්‌ගත කණ්‌ඩායම කියති.

දැරියන් යුද සේවයට යොදා ගනිමින් ඔවුන්ගේ ගෙලේ සයිනයිඩ් කරල් එල්ලීම ඇතුළු චෝදනා 10 ක්‌ ඇයට එරෙහිව දේශීය යාන්ත්‍රණයට ඉදිරිපත් කරන බව ඔවුහු පැවසූහ.

ඇඩෙලා බාලසිංහම්ට බ්‍රිතාන්‍ය රජය දේශපාලන රැකවරණ ලබා දී ඇත.