සමලිංගිකයන් යහපාලනයේ වැඩ අල්ලයි...කොළඹ සමලිංගික වැඩමුළුවක්…!!!

ශ‍්‍රී ලංකාව තුල සමලිංගිකයන් පිලිගැනීම, ඔවුනට නිත්‍යානුකූල අයිතීන් ලබා දීම ආදී සමලිංගික අයිතීන් ලබා ගැනීම සඳහා වූ වැඩමුළුවක් කොළඹ ටාජ් සමුද්‍රා හෝටලයේදී ඊයේ දිනයේ පැවැත්වී තිබේ. මෙම වැඩමුළුව USAID සංවිධානය විසින් සූදානම් කර තිබූ අතර ඊට මෙරට සමලිංගික අයිතීන් වෙනුවෙන් පෙනී සිටින සංවිධාන හතකින් පමණ 20 දෙනෙකුගේ පමණ පිරිසක් හා මාධ්‍යවේදීන් කිහිප දෙනෙකේද සහභාගී වී තිබින.
USAID සංවිධානයේ ඇමරිකානු නියෝජිතයින් කිහිප දෙනෙකුද වැඩමුළුව සඳහා සහභාගී වී ඇති අතර එහිදී වැඩි වශයෙන් අවධාරණය වී ඇත්තේ සමලිංගිකයත්වය ප‍්‍රවර්ධනය කිරීම හෝ ඒ වෙනුවෙන් පෙනී සිටීම ආදි කාරණවාලට මෙරට දණ්ඩ නීති සංග‍්‍රහය අනුව හිමිව ඇති නීති විරෝධී තත්වය ඉවත් කර ගැනීම ගැනයි. සමලිංගිකයින් වෙනුවෙන් පෙනී සිටින ශ‍්‍රි ලංකික කාන්තාවක් විසින් තදින්ම අවධාරණය කර ඇත්තේ වත්මන් ආණ්ඩුව යටතේම කෙසේ හෝ මෙම අනපනත් සංශෝධණය කර ගැනීම හා නව අනපනත් ගෙන ඒම සිදු කල යුතු බවය.