සැකකාර සිසුවාගේ අධ්‍යාපන වගකීම් විදුහල බාරගනී...!!!

මහත් ආන්දෝලනයකට ලක්‌ වූ සේයා සදෙව්මි දැරියගේ ඝාතනයට සම්බන්ධ බව කියමින් පොලිසිය විසින් අත්අඩංගුවට ගන්නා ලද ශිෂ්‍යයාගේ අධ්‍යාපන කටයුතු සම්බන්ධ සම්පූර්ණ වගකීම දැරීමට ඔහු ඉගෙනුම ලබන පාසල තීරණය කර ඇත.

උසස්‌ පෙළ වාණිජ අංශයෙන් අධ්‍යාපනය ලබන එම ශිෂ්‍යයා විභාගයට පෙනී සිටින්නේ ලබන වසරේදීය. පවුලේ එකම දරුවා වන මෙම ශිෂ්‍යයාගේ පියාද නොමැත. මව විසින් කුඩා දරුවන් සඳහා පෞද්ගලික උපකාරක පත්තියක්‌ පවත්වමින් සිටින අතර ශිෂ්‍යයා අත්අඩංගුවට ගැනීමේ සිද්ධියෙන් පසු උපකාරක පත්තිය සඳහා දරුවන් නොපැමිණීමද බරපතළ ගැටලුවක්‌ වී ඇත.
දරුවාගේ අධ්‍යාපන කටයුතු සම්බන්ධ සියලු වගකීම් දැරීමට පාසල තීරණය කර ඇත්තේ මෙම තත්ත්වය මතය.
 නිලන්ත මදුරාවල