ලංකාවේ ඉපැරිණිමවූ වෙබ් අඩවියක් වන ලංකානිව්ස් වෙතට ආ ඔබ සාදරයෙන් පිිළිගනිමු...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
Related Posts Plugin for WordPress, Blogger...
ලංකානිව්ස්. Powered by Blogger.

Translate

ඔබගේ දැන්වීම්

ඔබගේ දැන්වීම්
ඔබගේ වෙළඳ දැන්වීමට LANKANEWS තුළින් ඉඩක්...සීමිත සහ වටිනා අවස්ථාවක්...දැන්ම අපට ලියන්න[email protected]

හොඳම වෙබ් හොස්ටින්

හොඳම වෙබ් හොස්ටින්
ඔබගේ නවතම වෙබ් අඩවි සඳහා පමණයි...!!!

Sinhala News Site

BannerFans.com

ඔබගේ ලුහුඬු දැන්වීම් නොමිළේ

BannerFans.com

ලංකානිව්ස්

ගුවන්‍ යානා තොරතුරු

ගුවන්‍ යානා තොරතුරු
විශේෂ වෙබ් අවකාශයක්

ලක් පුවත්

අපගේ මතකය අතරින් BannerFans.com
Seilankan Informations

QR Code generator

Lankanews+ Followers

ජනප්‍රිය ලිපි එකතුව

Thursday, September 3, 2015

ජාතික ගීයකින් රටකට ඇති වැදගත්කම...!!!

කිසියම් රටකට හෝ දේශයකට හෝ ඇත්තේ එකම ජාතික ගීයකි. රටක ජාතික ගීය නිර්මාණය කිරීමේ පරම භාග්‍යය උදාවන්නේ පුද්ගලයින් එක් අයෙකුට හෝ දෙදෙනකුට පමණි. ඔවුහු සමස්ත ජාතියේම සම්භාවනාවට පාත්‍ර වන්නෝය. මේ නිසාම වත්මන් ලෝකයේ ජාතික ගී නිර්මාතෘවරු සුවිශේෂී වරම් ලද්දන් ලෙස ගෞරව බහුමානයට පාත්‍ර වෙති.


ශ්‍රී ලංකාවේ ජාතික ගීය නිර්මාණය කිරීමේ ගෞරවය සංගීතවේදී ආනන්ද සමරකෝන් සූරීන් සතුවේ.

ලෝකයේ පිළිගත් රාජ්‍ය 196ක ජාතික ගී පිළිබඳ තොරතුරු අන්තර්ගත ග්‍රන්ථයක් බ්‍රිතාන්‍ය ජාතික ඩබ්ලිව්.එල්. රීඩ් සහ එම්.ජේ. බ්‍රිස්ටව් දෙදෙනා විසින් ලෝකයේ ජාතික ගී නමින් 1960දී පළකර තිබේ.

මෙම ග්‍රන්ථයේ රටවල් 196ක ජාතික ගීවල ප්‍රබන්ධකයින්, තනු නිර්මාපකයින්, සංගීත සංයෝජකයින් සහ ගීතවල ස්වර මාලා අන්තර්ගත වේ. ඒ ඒ භාෂාවෙන් ලියැවුණු ගීවල පද මාලාවන් ඉංග්‍රීසි භාෂාවෙන් උච්චාරණය වෙන ආකාරයට මෙම කෘතියේ අන්තර්ගත වේ.

ජාතික ගී වල නිර්මාතෘවරුන් පිළිබඳ සැලකීමේදී එක් එක් රටෙහි ජාතික ගී සම්බන්ධයෙන් ‍ලේඛනගතවී ඇත්තේ එක් පුද්ගලයෙකු හෝ දෙදෙනකු හෝ පමණි. එමෙන්ම රටවල් දෙකකම ජාතික ගී රචනා කළ කීපදෙනෙකු පිළිබඳව මේ කෘතියේ සඳහන්වී ඇත. ඉන් එක් අයකු වන්නේ ජගත් පූජිත භාරත පුත්‍ර නොබෙල් සම්මානලාභී රබින්ද්‍රනාත් තාගෝර් මහා කවියාය. තාගෝර්තුමා (1861-1941) ඉන්දියානු ජාතික ගීය මෙන්ම බංග්ලාදේශයේ ජාතික ගීයද නිර්මාණය කළේය. එතුමා 1912දී ඉන්දීය ජාතික ගීය රචනා කළේය.
එය ඉන්දීය ව්‍යවස්ථාදායක සභාව විසින් 1950 ජනවාරි 24 වැනිදා ඉන්දියාවේ ජාතික ගීය ලෙස නිල වශයෙන් සම්මත කරන ලදී. උපතින් වංග (බංග්ලාදේශ) ජාතිකයකු වූ තාගෝර්තුමා එතුමා රචනා කළ දෙවැනි ජාතික ගීය ලෙස වංග දේශයේ ජාතික ගීය වංග බසින් රචනා කළේය.


1947 වසරේදී ඉන්දියාව බ්‍රිතාන්‍ය අධිරාජ්‍යයෙන් නිදහස ලබද්දී මුස්ලිම්වරුන් බහුලව වාසය කළ ප්‍රදේශ පාකිස්තානය නමින් වෙනම රටක් ලෙස ස්ථාපිත විය. එහිදී ඉන්දියාවේ බටහිර පිහිටි මුස්ලිම් බහුතර ප්‍රදේශය බටහිර පාකිස්තානය ලෙසද නැගෙනහිර පිහිටි මුස්ලිම් බහුතර ප්‍රදේශය නැගෙනහිර පාකිස්තානය ලෙසද නම් කෙරුණි. එහෙත් පසුව පරිපාලන හා දේශපාලන ගැටලු මත නැගෙනහිර පාකිස්තානය පසුකාලීනව පාකිස්තානයෙන් වෙන්ව බංග්ලාදේශය නමින් ස්වාධීන රාජ්‍යයක් බවට පත්විය. තාගෝර්තුමන් වංග දේශයට රචනා කළ ජාතික ගීය 1971දී බංග්ලාදේශ ජාතික ගීය බවට පත්විය. එය 1972 ජනවාරි 13 වැනිදා බංග්ලාදේශ ජාතික සභාව විසින් නිල වශයෙන් අනුමත කළේය.

ජාතික ගී නිර්මාණයන්ට දායක වූවන් ගැන කතා කිරීමේදී ශ්‍රී ලංකාවේ දෙදෙනකු ගැන විශේෂයෙන් සඳහන් කළ හැකිය. ශ්‍රී ලංකාවේ ජාතික ගීයේ නිර්මාතෘවරයා ආනන්ද සමරකෝන් (1911-1962) සංගීතවේදියාය. ඔහු පද රචනා කොට තනු නිර්මාණය කළ “නමෝ නමෝ මාතා” ජාතික ගීය නිල වශයෙන් සම්මත කළේ 1952දීය. ජාතික ගී සම්බන්ධයෙන් ලෝ පතලව සිටින අනෙක් ශ්‍රී ලාංකේය කලාකරුවා වන්නේ වන්නකුවත්ත මිටිවඩුගේ දොන් ඇල්බට් පෙරේරා හෙවත් පණ්ඩිත් අමරදේවයන්ය. ඒ අපේ අසල්වැසි මාලදිවයිනේ ජාතික ගීයේ තනු නිර්මාණකරු වශයෙනි. එම ගීතය ප්‍රබන්ධය කරන ලද්දේ මොහොමඩ් ජමීල් දිදි (1915-1980) විසිනි. එහි තනු නිර්මාණය කිරීමේ අවස්ථාව අමරදේවයන් හට උදාවූයේ 1972දීය. මෙය ශ්‍රී ලාංකිකයින් ලෙස අපට ආඩම්බරයට හේතුවකි.

ලොව රටවල් දෙකකට ජාතික ගී දෙකක් පද රචනා කොට තනු ද නිර්මාණය කළ එකම පුද්ගලයා ලෙස ඉතිහාසගතවී සිටින්නේ කේප්වර්ඩ් හා ගිනිබිසව් රාජ්‍යවල ජාතික ගී පද රචනා හා සංගීත රචනා කළ අම්ලිකා ලෝපේස් කබ්රාල්ය (1924-1973).

රටවල් දෙකකම ජාතික ගී පද රචනා පමණක් කළ පුද්ගලයකු වන්නේ ග්‍රීක වැසියකු වූ ඩයනීසියස් සොලොමස්ය. ඔහු ග්‍රීසියේ සහ සයිප්‍රසයේ ජාතික ගී රචනා කළේය. එම වාර්තාවට හිමිකම් කියන තවත් පුද්ගලයෙක් සිටී. ඒ උරුගුවේ සහ පැරගුවේ ජාතික ගී පද රචනා කළ ෆ්‍රැන්සිස්කෝ එස්ටයින් (1791-1862)ය. තවත් විශේෂත්වයක් වන්නේ ඉහත ජාතික ගී දෙකෙහිම (උරුගුවේ සහ පැරගුවේ) තනු රචකයා වන්නේද එකම පුද්ගලයකුවීමයි. ඒ සංගීතඥ ෆ්‍රැන්සිස්කෝ ජොසේ ඩෙබාලිය. (1791-1859)

දකුණු අප්‍රිකානු ජාතික ගීයේ පද රචනා කර සංගීත රචනාවද කළ ඉනොක් මන්කයි සොන්ටොන්ගා (1860-1904) ටැන්සානියාවේ සහ සැම්බියාවේ ජාතික ගීවල තනුද නිර්මාණය කර ඇත. ඉනොක් මන්කයි රටවල් තුනකම ජාතික ගීවලට සම්බන්ධ වූ එකම පුද්ගලයා ලෙස වාර්තාගත වේ.

ටියුනීසියානු ජාතික සංගීතවේදී මොහොමඩ් අබ්රූල් වහාබ් ටියුනීසියානු රාජ්‍යයේ සහ පද රචනාවක් නොමැති සංගීත ඛණ්ඩයක් පමණක් ඇති එක්සත් අරාබි එමීර් රාජ්‍යයේ ජාතික ගීයට ගී තනු නිර්මාණය කර තිබේ. පින්ලන්ත හා එස්ටෝනියානු ජාතික ගී දෙකේ තනු නිර්මාණය කර ඇත්තේ ෆෙඩ්රි පැසියස් (1809-1891) විසිනි.

බෘෘනායි රාජ්‍යයේ ජාතික ගීයෙහි පද රචනාව සහෝදරයින් දෙදෙනකුගේ නිර්මාණයකි. පෙන්ගිරන් හජි මොහොමඩ් සහ පෙන්ගිරන් හජි අබ්දුල් රහීම් යන සහෝදරයින් දෙදෙනා එම ජාතික ගීයට දායකත්වය දී තිබේ. සිරියාවේ ජාතික ගීයේ සංගීත නිර්මාණයද සිදුකර ඇත්තේ සහෝදරයින් දෙදෙනෙකි. ඒ මොහොම්මද් සලීම් ෆ්‍ලේෆල් සහ අහමඩ් සලීම් ෆ්‍ලේෆල් යන දෙදෙනායි.

තම රටෙහි ජාතික ගීයට පද රචනයෙන් පාසල් සිසුන් ද දායක කරගත්තා වූ රාජ්‍යයක් ද වේ. චැඩ් රටෙහි ජාතික ගීයෙහි පද රචනයට ශාන්ත පාවුළු පාසලෙහි ළමුන් ද දායකත්වය දී ඇත.

රටක ජාතික ගීය සඳහා තම රටෙහි ජන ගීයක් යොදාගත් රටක් ද තිබේ. රුවන්ඩාවේ ජාතික ගීය නිර්මාණය වී තිබෙන්නේ එරටෙහි පාරම්පරික ජන සංගීතය මුසු වූ ජනගීයකිනි.

තම රටෙහි ජාතික ගීය මව් භාෂාවට අමතරව විදේශීය භාෂාවන්ට හා ප්‍රාදේශීය භාෂාවන්ට පරිවර්තනය කර භාවිත කරන රටක් ද වේ. ඒ ස්විට්සර්ලන්තයයි. ස්විට්සර්ලන්තයේ ජාතික ගීය ජර්මන්, ප්‍රංශ, ඉතාලි මෙන්ම ප්‍රාදේශීය භාෂාවන සර්සෙල්විච් සහ ලැඩ්නිච් භාෂාවන්ට පරිවර්තනය කර තිබේ. මෙහි ඇති විශේෂත්වය වනුයේ ඉහත භාෂා පහේම පද රචනය පුද්ගලයින් පස්දෙනෙකු වුවද සංගීත නිර්මාණය කර ඇත්තේ එක් පුද්ගලයකු වීමයි.

‘ලෝකයේ ජාතික ගී’ ග්‍රන්ථයට අනුව රටක ජාතික ගීය සඳහා සාමූහිකව එකතුවී ගී පද රචනාව නිර්මාණය කළ රටවල් කිහිපයක්ද සඳහන් කර තිබේ. කෙන්යාව, මැ‍ලේසියාව, නාවුරු, නයිජීරියාව, ටැන්සානියාව සහ සැම්බියාව යන රටවල්හි ජාතික ගීය නිර්මාණය කර ඇත්තේ සාමූහිකව එකතුවී ගීපද එකතු කිරීමෙනි.

මීට අමතරව පද රචනාවෙන් තොර සංගීත ඛණ්ඩයක් පමණක් වන ජාතික ගී ද ව්‍යවස්ථාපිත කොට සම්මත කරගෙන ඇති රාජ්‍යයන් කිහිපයකි. මොරිටානියාව, සෝමාලියාව, ස්පාඤ්ඤය, සැන් මැරීනෝ, රුසියානු ෆෙඩරේෂණය, කටාරය, කජිකිස්තානය, එක්සත් අරාබි එමීර් රාජ්‍යය, තුර්ක්මිනිස්තානය ආදී රටවල ජාතික ගීය යනු වාද්‍ය සංගීත ඛණ්ඩයක් පමණි. තම ජාතියට ගෞරව පිණිස එම වාද්‍ය ඛණ්ඩයට සවන්දීමෙන් ඊට ගෞරව දැක්වීමටත් ඒ ඒ රටවල වැසියෝ පුරුදු වී සිටිති.

ජාතික ගී ගැන සැලකීමේදී රටවල් ගණනාවකින් සැදුම්ලත් යුරෝපා සංගමයටද පද රහිත වාද්‍ය සංගීතයකට පමණක් සීමා වූ ජාතික ගීයක් ඇත. එම සංගීත රචනාව නිර්මාණය කර ඇත්තේ ලෝක ප්‍රකට සංගීතඥයෙකු වූ ජර්මන් ජාතික සංගීතඥ ලුඩ්වින් වැන් බිතෝවන් (1770-1827) විසිනි.

ඔබගේ අදහස් අපි මහත් සේ අගයමු. නිර්නාමිකව හෝ අදහස් පළ කිරීමට අවස්ථාව ලබා දී තිබෙන්නේ එම නිසා ය. එහෙත්, එය අපහරණය නො කිරීම ඔබ‍ගේ වගකීමකි.