Sri Lanka Rupee Converter
ඔහු එම නියෝගය නිකුත් කරන්නැයි ඉල්ලා සිටින්නේ එක්‌සත් ජාතීන්ගේ සංවිධානයේ ශ්රී ලංකා නිල නියෝජිතයා වන සුබිනේ නන්ද මහතාට එරෙහිවය.එවැනි ජාත්‍යන්තර විමර්ශනයක්‌ පැවැත්වීම හේතුවෙන් තමාට විඳගැනීමට සිදුවූ අවමානය හා නින්දාව වෙනුවෙන් එක්‌සත් ජාතීන්ගේ සංවිධානය වෙනුවෙන් එහි ශ්රී ලංකා නියෝජිත තමාගෙන් සමාව අයෑද සිටිය යුතු බවට වන තීන්දු ප්‍රකාශයක්‌ නිකුත් කරන ලෙසද ආචාර්ය අමරසේකර සිය පෙත්සමෙන් ඉල්ලා ඇත.
එකී ජාත්‍යන්තර විමර්ශනය පැවැත්වෙන්නේ 2014 දී එක්‌සත් ජාතීන්ගේ මානව හිමිකම් මණ්ඩලය සම්මත කරගත් යෝජනාවකට අනුව බවත් ද්‍රවිඩ කොටි සමඟ පැවැති යුද්ධයේ අවසන් අදියරේ යුද අපරාධ ගැන සෙවීමට එම යෝජනාවෙන් අනුමැතිය දී ඇති බවත් පෙත්සමේ සඳහන් කර ඇත.
ජාත්‍යන්තර විමර්ශනය පැවැත්විය යුතු යෑයි මහ කොමසාරිස්‌වරයා කළ නිර්දේශයට මූලික වශයෙන් පදනම් වී ඇත්තේ 2011 වර්ෂයේදී එක්‌සත් ජාතීන්ගේ ලේකම් ජනරාල්ගේ විශේෂඥ මණ්‌ඩලයේ වාර්තාවයි. එම වාර්තාව පදනම් කරගෙන ශ්රී ලංකාවට එරෙහිව එක්‌සත් ජාතීන්ගේ මානව හිමිකම් කොමිසම හෝ ඊට අනුබද්ධ වෙනත් ආයතනයක්‌ විසින් කිසියම් නිල පියවරක්‌ ගැනීම නීතියට අනුකූල නොවන බවත් පෙත්සම්කරු කියා සිටී.
නීතිඥ කපිල ගමගේ මගින් පෙත්සම ගොනු කර තිබිණි.
