අලුත් පාතාල කල්ලි කීපයක් ගැන තොරතුරු හෙළි වෙයි

යළි හිස ඔසවමින් තිබෙන අලුත් පාතාල කණ්ඩායම් කීපයක් පිළිබඳ රාජ්‍ය බුද්ධි අංශ සහ ආරක්ෂක අංශ පරීක්ෂණයක් ආරම්භ කොට තිබේ.ඒ පිළිබඳ පරීක්ෂණ පවත්වන ආරක්ෂක අංශ භාර උසස් පොලිස් නිලධාරියකු පැවැසුවේ හමුදාවෙන් පලාගිය සහ රැකියා නොමැතිව සිටින විවිධ අපරාධවලට සම්බන්ධ වී බන්ධනාගාරවලින් නිදහස්ව සිටින පිරිස් සඳහා රහසිගතව බඳවා ගැනීමට පාතාල කණ්ඩායම් කටයුතු කරගෙන යන බවට තොරතුරු ලැබී ඇති බවයි.

මුස්ලිම් කොංග්‍රස් ඇමැතිවරුන් ඡන්ද වැඩට ආණ්ඩුවෙන් එළියට යයි

පළාත් සභා මැතිවරණය අවසන් වනතුරු ආණ්ඩුවෙන් තාවකාලිකව ඉවත්වීමට ආණ්ඩුව නියෝජනය කරන මුස්ලිම් කොංග්‍රස් ඇමැතිවරුන් සහ නියෝජ්‍ය ඇමැතිවරුන් සූදානම් වේ.පසුගිය දිනෙක පැවැති මුස්ලිම් කොංග්‍රස් උත්තරීතර මණ්ඩල රැස්වීමේදී බහුතරයකගේ අදහස වී ඇත්තේ තම පාක්‍ෂිකයන් අතරට ගොස් මැතිවරණ ප්‍රචාරක කටයුතු ආරම්භ කිරීමට පෙර එවැනි තීරණයක් ගැනීම වඩාත් සුදුසු බවයි.